شفتي عقبك كيف صارت دنيتي
يا حسرتي ,,,, يا لوعتي
يا ضياعي وبلوتي
يا بعيدة ليت اضمك
يا قريبه وما اشمك
اعترف لك بانكساري وارتباكي
ما ادري احساسي يهمك
اتعبتني هالمشاعر
تسرق افكاري وتهاجر
تحرق اعصابي وباحلامي تقامر
ليت همي يصير همك
تذكرين الموعد الأول وخوفك
تذكرين معانقة كفي لكفوفك
من يصدق صرت ما اقدر اشوفك
تذكرين البوسة اللي جيت ابطبعها
على شفاهك وخدك
رفضتي وانفعلتي ثم قلتي
(بوسة على يد القمر يكفي وحدّك)
ما أميز بين مزحك وبين جدك
ورحت ما أدري ألمّ الحسرة في قلبي
أو ارجع لك وألمك
شوفي كيف الحكي كان مواجهه
وكل ظرف يعيقنا,,, بكل بسالة نواجهه
وكم تفرقنا ورجعنا
وكم على بعض انقطعنا
وكم على جمر الصبر والشوق وبناره السعتنا
وبعدها الفرحة تجينا وتحتوينا
وترضي النشوة الدفينة الغايرة بدمي ودمك
كل حنان الكون حسيته بعينك
وكل أحلامي زرعتيها بيدينك
وكان قلبي عهدتك وعقلي رهينك
وكانت أنفاسي تحيطك ,,, تتبعك ,,, ترعاك ,,,
وحبي.. كان لك أكثر من أمك
الإهداءات
آخر 10 مشاركات
بوسه على يد القمر
.gif "1 (93)")
.gif "1 (68)")
العرض العادي
