تخيل انك رزل.....عارف انت بتعمل اية

تخيل انك رزل.....عارف انت بتعمل اية
خد عندك

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى
لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى
لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك
فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك بعد ماتكون جبتلهم السكر ورفعت ضغطتهم
مع العلم ان فى ناس كدة فعلا انا الحمد لله مش فية العيب دة عشان بس محدش يفتكر انى رزلة ولا حاجة ابدا بس ولله انا ساعات بيحصل معايا كدة فى مترو الأنفاق فعلا ان تكون فى ستات كبار قعدين قولو لى انتى هتنزلى فى محطة ايه واسمك ايه وانتى منين طبعا انا مقدرش اغلط فى اى واحدة منهم عشان بتبقى قد والدتى فا مقدرش افتح بقى بكلمة وياسلام بقى لو بنت من سنى بتبقى رخمة رخمة يا قوة لله

هههههههههههههههههههههههههههههههههههه


انا بصراحة صادفنى اللى نايم دة

بس العجيب ان مش الناس اللى رخموا عليه لاهو اللى رخم عليهم بنومة

يعنى نايم وواخد الكرسى اللى قاعد علية ونص الكرسى اللى جنبه

فطبعا اللى بيقعد جنبه بيبقى هيقع والمصيبة ان لما حد يقعد بيفتح نص عينة

وبعد اللى جنبه يقوم ولما يقوم يروح صاااحى وعادل نفسة ال يعنى شبة بيعدل نفسة وعلى كدة طول الطريق

انا كنت قاعدة الكرسى اللى وراه كنت نفسى اديله على قفاه واقولة عيب واتعدل بقى

ههههههههههههههههههههههههههههههههههههههههه


تسلم ايدك سمسمة بجد موضوع روووعة

بداية موفقة

الشخصية اللي بتقولي عليها دي ربنا كرمها برزاله محصلتش

ال كمان يطلعها من بقه طيب المفتش هيمسكها ازاي وكمان بيدور في الجزمة وهيه في بقة

هههههههههههههههههههههههههه


بجد ضحكتيني من قلبي سمسه ربنا يحميكي من الزاله والناس البارده

مشكوره اختى على الموضوع الهااايل ده تسلم ايدك

هههههههههههههههههههههههههه
الحمدلله محدش رخ على الغايه دلوقتى انا ارخم على بلد
ههههههههههههههههههههههههههه
شكرا سمسمه

هههههههههههههههههههههههههههههههههههههههههههههههههه هههههههههه

انا اول مره اعرف انك كدا ياسمسمه امال مابلاقيش فيكي كدا ابدا ليييييييييييه

بس انتي تعرفي المشكله لو وهو بيدور على التذكرع وبيقلع الجزمه كدا يقا ياسلااااااااااااااام لو كانت ريحة الشراااااااااب زي الفل ههههههههههههههههههههههههههههه

يبقا كدا رخم بجددددددددددددددد

بس ياويلو ياسواد ليلو الي يرخم عليا

انا الي بيجي عليا باعرف اخد حقي منو كوييييييييييييييييييييييييييس جدا وانتي عارفا كدا ههههههههههههه مش كدا

تسلمي ياقمر على الخامه الجامده دي ههههههههههههههههههههههه

والى الامام ياسمسمه

ههههههههههههههههههه
ما تنسيش بردو ان الرخم فى الارخم منه
يعنى ممكن الرخم دة ربنا يوعدة بواحد
يرخم عليه لغايه لما يقول حقى برقبتى
وبعدين هو اللى بدا والبادى اظلم
وميرسى يا قمر على معلوماتك الجميله دى
وجااااااااااارى التنفيذ