بسم الله الرحمن الرحيم
السلام عليكم ورحمة الله وبركاته
يوم الخميس كنا طالعين من مكه على جده وكانو عيال اخواني معايا
محمد5سنين و دانه 4سنين
وقبلنا كانو اخواتي طالعين جده وطردوني من السياره عشان انتبه للبزورة وعصبت منهم
قامت امي قالت خلاص بعد شويا انزلكم جده قلنا طيب وانا طلعت غرفه النوم حطيت راسي على المخدة واديييييييييتها بكا
ونمت وانا ابكي وبعدين قالت امي قومي خلاص نازلين وانا قعدت اتدلع على ماما ابغا دونات وابغا آيس تشوكلت قالت طيب انشاء الله بس قومي خذي بزورة اخوانك وانزلي السياره قلت طيب وعطتني كيس فيه علب الملكه حقت اخويه
ونزلت ومعايا محمد ولد اخويه وباقي البزورة كانو لسه فوق ودانه في السياره قاعده ومحمد كان يمشي قدامي ولما وصلنا لباب الشارع سار محمد يجري يبغا يروح لأخته
((وسارت الداهيه))
انـــــــــــــصــــــــدم
والمصيبه محد شافه غيري واخته الي اصغر منه
انا ما عرفت ايش اسوي
رميت كيس العلب وحطيت يدي على فمي واصرخ
مـــــــــــــــــــحــــــــــــــــمــــــــــــ ــد انـــــــــــــــــــصــــــــــــدم
ودخلت لمدخل بيتنا اصرخ ورميت شنطة يدي وطلعت مرة ثانيه للشارع لقيت العيال كلهم اتجمعوا ونزل اخويه الكبير يصرخ عليا ايش فيه وانا ارد عليه بصوت مخنوق ودموع محمد انصدم
وشالو للمستشفى وهناك اتجمعو العايله كلها والكل يبكي حتى الرجال وابوه لما دري انه انصدم انهار في المستشفى ودخل على السرير جنبه
والمسكين هلوس سار ينادي اخته الي اصغر منه ويصرخ
ودحين الكل يلومني اني انا الي ما انتبهت له وهو كان امانه في رقبتي
ومو قادره انسى منظره وهو ينصدم وربي يقطع القلب وهو دحين قاعد في المستشفى فخذه مكسور وراسه منفوخ وقاعدين يكشفو عليه عشان ما يسير عنده شي في الاعصاب
واحتمال يتوفى لا قدر الله
وربي لو سار فيه شي ما راح اسامح نفسي ابدا
ادعو له بالسلامه
يارب اشفيه وقومه بالسلامه ونشوفه عريس
ومايشوف شر
آآمين
الإهداءات
آخر 10 مشاركات 
مـــــــــحــــــــــمـــــــــد ..... 
العرض العادي
