لوحه بيضه
بارسم على لوحه بيضه............................بيت من دورين اتنين
وجنينه واسعه عريضه..........................مزروعه بالياسمين
ف الدور الارضى اوضه..................... وصالون وانتيريهين
وسجادات مفروده............................... منسوجه على الايدين
وناس بترقع زغروده........................... ووشوشها فرحانين
...................
والدور التانى كان................... اوضتين كبار واسعين
ورسمت كمان مكان ................ لضيوف وناس جايين
وصورة على الحيطان............. متصورة لطفلين
ولد وبنت حسان.................. "عبد الرحمن وحنين"
وقفص فيه بغبغان................ والداده " ام امين"
خلّصت البورتيريه.............. وسألت ناقص ايه؟
رد قلبى وقاللى................... فين حبيبتك فيه؟!!!