قصيدة من مجهول أهداها إلى زوج حبيبته ليلة الدخله

تخيّل إنك المعرس .. شنو بتسوي ؟
***

هذي قصيدة من مجهول أهداها إلى زوج حبيبته ليلة الدخله


الله يهنيك



أبد ما جيت أبــــارك لك ولكن جيت باوصيك
على الله ناوي(ن) تدخــل بها اللـــيله ... معذبتي


ترى لولا الظروف اللي عطّـتك وحدّت محاكيك
قســـم بالله مـــا تدخل عليــــها لو على رقبتي

ولكن النصيب أقوى ولاادري ويش اسوي فيك
نعــم...صــارت معزبتك,, ولا صــارت معزبتي


كذا شـاءت بنا الأقـــــدار تحرمني لجل تعطيك
كذا لازم عشــــان تفوز انت,,أنا اخـسر بتجربتي

تراها غاليــــة جدا..وتكفى.. والله يخلـــــيــــك
تدللــــــــها..تدلعــــــــها..تنسّــــيها مصاحبتي


أنا من كثر مااغليها أحس اني بديت أغلـيك
ولاتسـأل بأيـة حـق والا وش مناســــــبتي


لأنك لو بتسألـني بتسمـع شي مـــــــا يرضيك
لذا يا خــــــوي لا تسأل ولا تسمـع لأجوبتي

أبيك تحطها في داخل عـيونك وبين ايـديـك
وهي دلوعة إعتــــــــادت على كثرة مداعبتي

فداعبـها شوي شوي حـتى تشتهي طاريك
وشاغبها إلـــــــــيـن تقول: بـطّــل من مشاغبتي

واذا هي مالها خلقك,,ولا تضحك ولا تسليك
تحمّلــها وإسألـها :ياعمـــــري ليـــه عصّبـتي


وبالك أسمع انك يوم تضربهــا وهي تشكيك
ما يحتــاج أوري لك بفن الضـــرب موهبتي

صحيح انك بتملكـــها ومعك العقــد بالتمليـــك
وانا عــــارف حدود الله ومن حــقـــك معاقبتي

ولكن قل لها : المجنون وصّـــاني وهو يعنيك
يقــــــول انه بيــنــتظـرك لوشـيّـب وشـيّــــبتي


وانا مجنونها اللي مـا نساهــــــا وانت مايمديك
تغــطي ذكريـــــاتي.. في هواهــــا و ربع تجربتي

أحس اني تماديت بكلامي,, والغضب حـــاديــك
ولو انك في مــكاني ما تفكر في محــــــاسبتي


كفاك اني تركت الليــــله أشغالي عشان أجيك
دخلت القاعة برجلي ولا أدري ويش عاقبتي


وانا ما جيت أخرّب عرسك الليله ولا أذّيـــك
أنا جيتك عشــان أخاطـبك واسمع مخـــاطبتي


توصّــــى .. وانتبه.. واحرص عليها والله يهنيك
ترى كل الكلام اللي طلع من ضيقي وكبـــتـــي


ولكن ما قدرت اني أقوله وانت مايخفـــــيك
أخـــــاف اني اذا قلته تقوم وتقطـــع رقبــتي





اشرايكم في القصيدة وفي الموقف؟؟؟؟؟؟؟؟؟؟

وااااااااااااااااااو موقف جداااااااااااااااا جداااااااااااااا صعب والله ما يحس فيه غير ال انحط فيه
تسلم على القصيده المرررررررره حلوه
وانا رح رد عليك بقصيده عكس ال انت قلتها
وهي قصيده عاشقه كتبتها يوم زواج حبيبها


جاني الخبر ياصاحبي وأظلم الكون * * قدام عيني ثـم نطقـت الشهـادة

على العموم اقولها الـف مليـون * * مبروك من قلب شكالـك أبعـادة

مبروك لايهمك سواليف وظنـون * * من عاشق يهديك فرحـة فـؤادة

سو الفرح اليوم وابليـس ملعـون * * واللي يشب النـار يجنـي رمـادة

انا اول العالم على القصر يلفـون * * أول معازيـم الفـرح والـحـدادة

أبشر أنا برقص فعرسك بالهـون * * كـل يعبـر فرحتـه بأجتـهـادة

والبلا رقصـي يقولـون مزيـون * * المشكلـة القلـب يفـضـح ودادة

يوم العذارى في دخولـك يغنـون * * وعروستك باحلى ثواني السعـادة

كنت اتمنـى بدالهـا والله أكـون * * وأحط أنا كفي تحت راسك وسادة

وشلون ابكتم صرختي يوم تمشون * * تكفـى خذنـي للعروسـة قـلادة

حتى معازيم الفرح قامو يمشـون * * اصبحت أنا وحدي بدون استفـادة

وطفو علي النور من غير يدرون * * قصـر الفـرح ياقبـر ومهـادة

وصيتي لو جاتك بنت وأنا أمـون * * سميتهـا لـك قـبـل الــولادة


مش انا ال كاتبه القصيده بس حبيت احطها

لك مني اغلى تحيه وشكرا على القصيده مره ثانيه

حقيقة موقف صعب والاصعب كتابته حيث يخفي المرء علي نفسة مدي عظم ما نال من مصاب
ولكن لي في تلك الحادثة قصيدة سميتها (( عرس حبيبتي) ولكن عذرا فاني اخيفها حتي لا يقتلني ضعفي بين قوافيها


نقل عطر لكلاكما
دمتم بود

قصيده حقا ولا اروع بها احساس رائع انساب داخل قلوبنا فأدمها

احساس تحدث فألقي علي عاتق اسماعنا هم اشواقه

احساس تراءي كما تتراءي الشمس في وضح النهار فما من مبصر الا رأه

حقا سلمت انامل من حطج هذا الابداع

وسلمت يامن شاركتنا هموم هذه الحروف

كل الشكر لك اخي

ولكن اسمح لي تم نقل القصيده الي قسم الخواطر المنقوله وتم تثبيتها

يسلموووووووووو على مرووووووركم الاكثر من رائع

مشكوووووورين

موضوع الى حد ما حلو
بس تشكر على المجهود